തൃശൂർ - ചാലക്കുടിയിൽ പ്രഭാത സവാരിക്കിറങ്ങിയ വീട്ടമ്മയെ മാനഭംഗപ്പെടുത്താൻ ശമിച്ച യുവാവ് അറസ്റ്റിൽ. വെള്ളാഞ്ചിറ പൊരുന്നകുന്ന് സ്വദേശി മണിത്തറയിൽ അജിത്തിനെ(27)യാണ് അറസ്റ്റു ചെയ്തത്. ബുധനാഴ്ച രാവിലെ അഞ്ചേമുക്കാലോടെ ചാലക്കുടി റെയിൽവേ സ്‌റ്റേഷൻ റോഡിലായിരുന്നു സംഭവം. നടന്നുപോവുകയായിരുന്ന വീട്ടമ്മയെ സ്‌കൂട്ടറിലെത്തിയ അജിത്ത് സ്‌കൂട്ടർ നിർത്തി പിന്നിലൂടെ ചെന്ന് മാനഭംഗപ്പെടുത്താൻ ശ്രമിക്കുകയായിരുന്നുവത്രെ. വീട്ടമ്മ ബഹളം വെച്ചപ്പോൾ സ്‌കൂട്ടറിൽ കയറി രക്ഷപ്പെട്ട ഇയാളെ സൗത്ത് ജംഗ്ഷനിൽ വെച്ച് പോലീസ് പിടികൂടുകയായിരുന്നു.
