വണ്ടൂർ- പ്രായപൂർത്തിയാകാത്ത പെൺകുട്ടിയുടെ വിവാഹം നടത്തിയതിന് ഭർത്താവിനും രക്ഷിതാക്കൾക്കുമെതിരെ കേസ്. ചടങ്ങിന് നേതൃത്വം നൽകിയ മതപുരോഹിതർക്കുമെതിരെ കേസെടുത്തു. മലപ്പുറം കരുവാരക്കുണ്ടിലാണ് ബാലവിവാഹം നടന്നത്. മഹല്ല് ഖാസിയടക്കം, പങ്കെടുത്ത എല്ലാവരും കേസിൽ പ്രതികളാണ്. പ്ലസ് ടുവിന് പഠിക്കുന്ന പ്രായപൂർത്തിയാവാത്ത പെൺകുട്ടിയുടെ നിക്കാഹ് നടത്തിയതിനാണ് ബാലവിവാഹ നിരോധനനിയമ പ്രകാരം കേസെടുത്തത്. അഞ്ചു വർഷം തടവും 10 ലക്ഷം രൂപ പിഴയും ശിക്ഷ വിധിക്കാവുന്നതാണ് കുറ്റം. ബാല വിവാഹത്തെക്കുറിച്ച് പോലീസിന് വിവരം നൽകുന്നവർക്ക് പാരിതോഷികവും നൽകാറുണ്ട്. വണ്ടൂർ തിരുവാലി സ്വദേശിയാണ് വരൻ.
