തിരുവനന്തപുരം- അടുത്തമാസം കേരളത്തില്‍ പ്രതിദിന കൊവിഡ് കേസുകള്‍ 40,000 കടക്കുമെന്ന് മുന്നറിയിപ്പ്. ആരോഗ്യപ്രവര്‍ത്തകരാണ് ഇത്തരമൊരു മുന്നറിയിപ്പ് നല്‍കിയത്. ഓണം കഴിഞ്ഞ് രണ്ടാഴ്ച കഴിഞ്ഞാല്‍ മാത്രമേ ഇതു സംബന്ധിച്ച് അറിയാന്‍ സാധിക്കുകയുള്ളു. നിലവില്‍ കോവിഡ് വ്യാപനം 20000നു മുകളില്‍ പോകുകയാണെങ്കിലും ആശുപത്രിയിലെ വെന്റിലേറ്ററുകള്‍ നിറയുന്ന സാഹചര്യം ഉണ്ടായിട്ടില്ല.ഇളവുകള്‍ കോവിഡ് വ്യാപനത്തിന് ഇടയാക്കിയെന്നാണ് കണക്കാക്കുന്നത്. സെപ്റ്റംബര്‍ ആദ്യവാരത്തോടെയായിരിക്കും കോവിഡ് വ്യാപനം 40000കടക്കുന്നതെന്ന് വിലയിരുത്തുന്നത്.
