റിയാദ് - വാക്‌സിൻ സ്വീകരിക്കാത്ത ജീവനക്കാർ ജോലി ചെയ്യുന്നതായി കണ്ടെത്തിയതിനെ തുടർന്ന് തലസ്ഥാന നഗരിയിലെ ഏതാനും വ്യാപാര സ്ഥാപനങ്ങൾ സുരക്ഷാ വകുപ്പുകളുമായി സഹകരിച്ച് റിയാദ് നഗരസഭ അടപ്പിച്ചു. ജീവനക്കാർ വാക്‌സിൻ സ്വീകരിക്കൽ അടക്കമുള്ള മുൻകരുതൽ നടപടികൾ പാലിക്കുന്നുണ്ടെന്ന് ഉറപ്പുവരുത്താൻ ശ്രമിച്ച് നടത്തിയ പരിശോധനക്കിടെയാണ് വാക്‌സിൻ സ്വീകരിക്കാത്തവർ ജോലി ചെയ്യുന്നതായി കണ്ടെത്തിയ സ്ഥാപനങ്ങൾ അടപ്പിച്ചത്.
സ്ഥാപനങ്ങളിലെ ജീവനക്കാർ തൊഴിൽ നിയമം പാലിക്കുന്നുണ്ടെന്ന് പരിശോധനക്കിടെ മാനവശേഷി, സാമൂഹിക വികസന മന്ത്രാലയ സംഘവും ഉറപ്പുവരുത്തി. ജീവനക്കാർ വാക്‌സിൻ സ്വീകരിക്കൽ അടക്കമുള്ള മുൻകരുതൽ നടപടികൾ പാലിക്കുന്നുണ്ടെന്ന് ഉറപ്പുവരുത്താൻ ശ്രമിച്ച് വ്യാപാര സ്ഥാപനങ്ങളിൽ പരിശോധനകൾ നടത്തുന്നതിന്റെയും വാക്‌സിൻ സ്വീകരിക്കാത്തവർ ജോലി ചെയ്യുന്നതായി കണ്ടെത്തിയ സ്ഥാപനങ്ങൾ അടപ്പിക്കുന്നതിന്റെയും ദൃശ്യങ്ങൾ അടങ്ങിയ വീഡിയോ റിയാദ് നഗരസഭ പുറത്തുവിട്ടു.
