ദുബായ്- ദുബായ് പോലീസിന്റെ സാമൂഹിക പദ്ധതികളിലൊന്നായ 'പോസിറ്റീവ് സ്പിരിറ്റി'ന്റെ ഭാഗമായി മൂന്നുവയസ്സുകാരി ദാനിയ ഖാലിദ്. പോലീസിനൊപ്പം സഹകരിച്ച് പ്രവര്‍ത്തിക്കുന്ന വളന്റിയര്‍മാരില്‍ ഏറ്റവും പ്രായം കുറഞ്ഞ ആള്‍ ആണ് ദാനിയ.
തൊഴിലാളികള്‍ക്ക് കുടിവെള്ളം, പാനീയങ്ങള്‍, കുടകള്‍ എന്നിവയാണ് ദാനിയയുടെ മേല്‍ നോട്ടത്തില്‍ വിതരണം ചെയ്തത്. കുട്ടികളില്‍ സന്നദ്ധ പ്രവര്‍ത്തന മനോഭാവം വളത്തിയെടുക്കുക എന്നതാണ് ലക്ഷ്യം വെക്കുന്നതെന്ന് പോസിറ്റീവ് സ്പിരിറ്റ് പദ്ധതി ജനറല്‍ കോ ഓര്‍ഡിനേറ്റര്‍ ഫാത്തിമ ബുഹാജീര്‍ പറഞ്ഞു.
ദുബായ് പോലീസിനൊപ്പം സേവനം ചെയ്യാന്‍ ആഗ്രഹിക്കുന്നവര്‍ക്ക് വെബ്‌സൈറ്റ് വഴി ചേരാം. കോവിഡ് കാലം ആയതിനാല്‍ വളന്റിയര്‍മാരുടെയും ഉപഭോക്താക്കളുടെയും സുരക്ഷ പരിഗണിച്ചാണ് സേവനപ്രവര്‍ത്തനങ്ങളുമായി മുന്നോട്ട് പോകുന്നത്. മകളുടെ ഇത്തരം നേട്ടത്തില്‍ സന്തോഷമുണ്ടെന്നും പുതിയ തലമുറ ഈ മേഖലയിലേക്ക് മുമ്പോട്ട് വരാന്‍ ദാനിയ ഒരു കാരണമാായതില്‍ സന്തോഷമുണ്ടെന്ന് പിതാവ് പറഞ്ഞു.
