തിരുവനന്തപുരം- പീഡിപ്പിച്ച് ഗര്ഭിണിയാക്കിയ കുട്ടിയെ കല്യാണം കഴിച്ചിട്ട്, ഇതിനുമുന്പുള്ള കുട്ടികളൊക്കെ ഞങ്ങളെയും കല്യാണം കഴിക്കണമെന്ന് പറഞ്ഞുവന്നാല് ഫാ. റോബിന് എന്ത് ചെയ്യുമെന്ന് സിസ്റ്റര് ജസ്മി. കൊട്ടിയൂര് കേസിലെ ഇരയെ വിവാഹം കഴിക്കാന് സന്നദ്ധനായി പ്രതി ഫാ. റോബിന് രംഗത്തുവന്നതിനെക്കുറിച്ച് പ്രതികരിക്കുകയായിരുന്നു അവര്.
സുപ്രീം കോടതി വിവേകപൂര്വം കാര്യങ്ങള് തീരുമാനിക്കുമെന്ന് വിശ്വസിക്കുന്നുവെന്ന് അവര് പറഞ്ഞു. റോബിന് രക്ഷപ്പെടണമെന്ന ഒറ്റമോഹം കൊണ്ടാണ് ഇത് ചെയ്യുന്നതെന്നും സിസ്റ്റര് പ്രതികരിച്ചു.
റോബിന് ഈ ബന്ധം മാത്രമായിരുന്നില്ലെന്ന് എല്ലാവര്ക്കുമറിയാം. ഈ കുട്ടിയെ വിവാഹം കഴിച്ചിട്ട്, ഇതിനുമുന്പുള്ള കുട്ടികളൊക്കെ ഞങ്ങളെയും കല്യാണം കഴിക്കണമെന്ന് പറഞ്ഞുവന്നാല് ഇദ്ദേഹം എന്ത് ചെയ്യും. എന്തായാലും കത്തോലിക്കാ സഭയുടെ എല്ലാ രൂപതകള്ക്കും ഇപ്പോള് ക്രിസ്ത്യാനി കുട്ടികളെയാണ് ആവശ്യം. ഈയൊരു കുട്ടിക്ക് ഓള്റെഡി ഒരു ബോണസ് കിട്ടിയിട്ടുണ്ട്. അതിനെ ക്രിസ്ത്യാനിയായി വളര്ത്തിയിട്ട്, പിന്നെ കുറേ കുട്ടികളെ പ്രസവിക്കട്ടെ, നാലും അഞ്ചും ആറുമൊക്കെ...ഞാന് ഇതെല്ലാം സരസമായി കാണുന്നത് ദു:ഖം കൊണ്ടാണ്. ഇതുപോലെ എല്ലാ ഇരകളും പുറത്തിറങ്ങാനായി പറഞ്ഞാല്...ഇതൊക്കെ നമ്മള് കണ്ടിട്ടുള്ളയാണ്. ഈ വക കുരുട്ടു ബുദ്ധിയൊക്കെയാണ് ഇവരുടെ തലയില്. ആ കുട്ടിയുടെ ജീവന് തന്നെ സംരക്ഷണം കിട്ടുമോ എന്ന് ഞാന് ഭയപ്പെടുന്നു. അച്ഛന് രക്ഷപ്പെടണമെന്ന ഒറ്റമോഹം കൊണ്ടാണ് ഇത് ചെയ്യുന്നത്-സിസ്റ്റര് ജസ്മി പറഞ്ഞു.