തിരുവനന്തപുരം- നിയമസഭ കയ്യാങ്കളി കേസില്‍ വിദ്യാഭ്യാസ മന്ത്രി ശിവന്‍കുട്ടിയുടെ രാജി ആവശ്യപ്പെട്ടു നിയമസഭയിലേക്ക് കെഎസ് യു നടത്തിയ മാര്‍ച്ചില്‍ സംഘർഷം. കെഎസ്‌യു പ്രവര്‍ത്തകരെ പിരിച്ചുവിടാന്‍ പോലീസ് ജലപീരങ്കി പ്രയോഗിച്ചു.
ശിവന്‍കുട്ടിയുടെ രാജി ആവശ്യപ്പെട്ടു കൊണ്ട് സഭയ്ക്കു അകത്തും പ്രതിപക്ഷ നേതാക്കള്‍ പ്രതിഷേധം അറിയിച്ചിരുന്നു. നേരത്തെ പ്രതിപക്ഷം കൊണ്ടുവന്ന അടിയന്തരപ്രമേയ നോട്ടീസ് തള്ളിയതിനെ തുടര്‍ന്ന് പ്രതിപക്ഷം നിയമസഭ ബഹിഷ്‌കരിച്ചിരുന്നു.
