കൊച്ചി: വി.ടി ബൽറാമിനെതിരെ സി പി എം ഉയർത്തുന്നത് കൃത്യമായ അസഹിഷ്ണുതയാണെന്ന് കോൺഗ്രസ് നേതാവ് വി.ഡി സതീശൻ. പദ്മാവതി എന്ന ചലച്ചിത്രത്തിനെതിരെ ഉയർന്നതും രാജ്യവ്യാപകമായി സംഘപരിവാർ നടത്തുന്നതും ഈ അസഹിഷ്ണുതയാണെന്നും സതീശൻ ഫേസ് ബുക്കില്‍ കുറ്റപ്പെടുത്തി.
അധികാരത്തിലിരിക്കുന്ന സിപി എം അണികളെ കൊണ്ട് നടത്തുന്ന ഈ അക്രമം ജനാധിപത്യ ശക്തികൾ ചെറുത്തു തോൽപ്പിക്കുക തന്നെ ചെയ്യുമെന്നും അദ്ദേഹം പറഞ്ഞു.
വി ടി ബല്‍റാമുമായി ബന്ധപ്പെട്ട വിഷയത്തിൽ കെപിസിസിയും മുതിർന്ന നേതാക്കളും അഭിപ്രായം പറഞ്ഞു കഴിഞ്ഞു. ഞാനത് ആവർത്തിക്കുന്നില്ല. പക്ഷെ ബല്‍റാമിനെതിരെ സി പി എം ഉയർത്തുന്നത് കൃത്യമായ അസഹിഷ്ണുതയാണു. പദ്മാവതി എന്ന ചലച്ചിത്രത്തിനെതിരെ ഉയർന്നതും രാജ്യവ്യാപകമായി സംഘപരിവാർ നടത്തുന്നതും ഈ അസഹിഷ്ണുതയാണു. സംസ്ഥാനത്ത് അധികാരത്തിലിരിക്കുന്ന സിപി എം അണികളെ കൊണ്ട് നടത്തുന്ന ഈ അക്രമം ജനാധിപത്യ ശക്തികൾ ചെറുത്തു തോൽപ്പിക്കുക തന്നെ ചെയ്യും- സതീശന്‍ ഫേസ് ബുക്കില്‍ കുറിച്ചു.
