കൊല്ലം- വനിതാ കമ്മീഷൻ മുൻ അധ്യക്ഷ സ്ഥാനത്ത്‌നിന്ന് രാജിവച്ച എം.സി ജോസഫൈനെതിരെ സിസ്റ്റർ ലൂസി കളപ്പുര. ജോസഫൈൻ തന്നെ സ്റ്റുപ്പിഡെന്ന് വിളിച്ചെന്നും തന്റെ ബുദ്ധിമുട്ട് മനസിലാക്കാൻ തയ്യാറായില്ലെന്നും ലൂസി കളപ്പുര ആരോപിച്ചു. സ്ത്രീകളോട് മാന്യമായി പെരുമാറുന്നവരെ വനിതാ കമ്മീഷൻ അധ്യക്ഷസ്ഥാനത്തേക്ക് പരിഗണിക്കണമെന്നും ലൂസി കളപ്പുര വ്യക്തമാക്കി.
ഹിയറിങ്ങിൽ പല സാങ്കേതിക കാരണങ്ങളാൽ തനിക്ക് ഹാജരാവാൻ കഴിഞ്ഞില്ലെന്നും തുടർന്ന് തന്നെ ജോസഫൈൻ പരസ്യമായി സ്റ്റുപ്പിഡ് എന്ന് അഭിസംബോധന ചെയ്തു എന്നും സിസ്റ്റർ ലൂസി പറഞ്ഞു. സുപ്രീം ട്രിബ്യുണലിൽ നിന്ന് സിസ്റ്ററെ പുറത്താക്കിയതല്ലേ അപ്പോൾ പിന്നെ സിസ്റ്റർ തെറ്റല്ലേ ചെയ്തത് അതിനാൽ വനിതാ കമ്മീഷന് ഇടപെടാൻ പറ്റില്ല എന്നും ജോസഫൈൻ പറഞ്ഞു. വനിതാ കമ്മീഷൻ അധ്യക്ഷ എന്നത് ഉത്തരവാദിത്വം ഉള്ള സ്ഥാനമാണെന്നും ഇത്തരത്തിൽ അല്ല പെരുമാറേണ്ടതെന്നും ലൂസി കളപ്പുര വ്യക്തമാക്കി.
