റിയാദ്- ഗതാഗത നിയമങ്ങൾ ലംഘിച്ചും സ്വന്തം ജീവനും മറ്റുള്ളവരുടെ ജീവനും അപകടത്തിലാക്കിയും അമിത വേഗതയിൽ കാറോടിക്കുകയും പൊതുമര്യാദ ലംഘിക്കുകയും ചെയ്ത ഏഷ്യൻ വംശജയായ യുവതിയെ കസ്റ്റഡിയിലെടുത്തതായി സൗദി ട്രാഫിക് ഡയറക്ടറേറ്റ് അറിയിച്ചു. അമിത വേഗതയിൽ കാറോടിക്കുകയും പൊതുമര്യാദ ലംഘിക്കുകയും ചെയ്ത യുവതിയെ കുറിച്ച് സൗദി പൗരന്മാരിൽ ഒരാളാണ് ട്രാഫിക് പോലീസിൽ പരാതിപ്പെട്ടത്.
വൈകാതെ ഡ്രൈവറെ തിരിച്ചറിഞ്ഞ് കസ്റ്റഡിയിലെടുത്തതായും ശിക്ഷകൾ പ്രഖ്യാപിക്കുന്നതിന് ഇവർക്കെതിരായ കേസ് പ്രത്യേക ട്രാഫിക് അതോറിറ്റിക്ക് കൈമാറിയതായും സൗദി ട്രാഫിക് ഡയറക്ടറേറ്റ് അറിയിച്ചു. ബോണറ്റിൽ കൂട്ടുകാരനെ ഇരുത്തി കാറോടിക്കുകയും ഇതിൽ മേനിനടിക്കുന്ന വീഡിയോ ചിത്രീകരിച്ച് സാമൂഹികമാധ്യമങ്ങളിലൂടെ പ്രചരിപ്പിക്കുകയും ചെയ്ത മറ്റൊരു യുവാവിനെയും റിയാദിൽ നിന്ന് കസ്റ്റഡിയിലെടുത്തതായി സൗദി ട്രാഫിക് ഡയറക്ടറേറ്റ് അറിയിച്ചു.
 |
കനത്ത മഴയിലും ഉംറ നിര്‍വഹിക്കുന്ന തീര്‍ഥാടകര്‍; വീഡിയോ കാണാം |
