ആലപ്പുഴ- കോൺഗ്രസ് സ്ഥാനാർത്ഥി പട്ടികയിലെ താരമായ അരിത ബാബുവിന്റെ വീട്ടിലെത്തി ആവേശം പകർന്ന് കോൺഗ്രസ് നേതാവ് പ്രിയങ്ക ഗാന്ധി. അരിതക്ക് വേണ്ടിയുള്ള റോഡ് ഷോ പുരോഗമിക്കുന്നതിനിടെയാണ് പ്രിയങ്ക ഗാന്ധി അരിത ബാബുവിന്റെ വീട്ടിലേക്ക് പോകാൻ തീരുമാനിച്ചത്. പ്രചരണ വാഹനങ്ങളുടെ അകമ്പടിയോടെ പ്രിയങ്ക അരിതയുടെ വീട്ടിലെത്തി. അരിത മാത്രമാണ് വീട്ടിലുണ്ടായിരുന്നത്. പ്രിയങ്കയെ കാണാനായി അരിതയുടെ അച്ഛനും അമ്മയും മറ്റൊരു സ്ഥലത്തായിരുന്നു. ഇവിടെനിന്ന് പിന്നീട് കൊല്ലം ജില്ലയിലെ പര്യടനത്തിന് വേണ്ടി പ്രിയങ്ക തിരിച്ചു.
