തിരുവനന്തപുരം- എൻഫോഴ്സ്മെന്‍റ് ഡയറക്ട്രേറ്റിനെതിരെ (ഇ.ഡി) സംസ്ഥാന സർക്കാർ ജുഡീഷ്യൽ അന്വേഷണം പ്രഖ്യാപിച്ചത് ഭരണഘടനാ വിരുദ്ധമാണെന്ന് കേന്ദ്ര ആഭ്യന്തര മന്ത്രി രാജ്നാഥ് സിംഗ്.
ജുഡിഷ്യൽ അന്വേഷണ പ്രഖ്യാപനം ദൗർഭാഗ്യകരമാണ്.സംസ്ഥാന സർക്കാർ സ്വീകരിച്ച നടപടി രാജ്യത്തിന്‍റെ ഫെഡറൽ തത്വങ്ങൾക്കും ഭരണഘടനയ്ക്കും എതിരാണെന്ന് അദ്ദേഹം കുറ്റപ്പെടുത്തി.
ബിജെപിയെ ന്യൂനപക്ഷങ്ങൾ ഭയക്കേണ്ടതില്ല. ഏത് മതവിഭാഗമായാലും പൗരന്മാർ അങ്ങനെ തന്നെ തുടരുമെന്ന് അദ്ദേഹം പറഞ്ഞു. ശബരിമലയിൽ ആചാരം സംരക്ഷിക്കാനുള്ള നിയമ നിർമാണത്തെ പിന്തുണയ്ക്കുമെന്നും രാജ്നാഥ് സിംഗ് പറഞ്ഞു. ബി.ജെ.പി അധികാരത്തിലെത്തിയാല്‍ ഇതിനായി നിയമം കൊണ്ടുവരും.
കേരളത്തിലെ യുഡിഎഫ്-എൽഡിഎഫ് മുന്നണികൾ വ്യാജവാഗ്ദാനങ്ങൾ നൽകി ജനങ്ങളെ വഞ്ചിക്കുകയാണ്. കേരളത്തിൽ പുതിയ രാഷ്ട്രീയ ബദൽ ആവശ്യമാണ്. അത് ബിജെപി മാത്രമാണ്. കോൺഗ്രസും സിപിഎമ്മും തമ്മിൽ ബംഗാളിൽ കൂട്ടുകെട്ടിലാണ്- അദ്ദേഹം പറഞ്ഞു.
