ന്യൂദൽഹി- ശ്രീലങ്കക്കെതിരായ മൂന്നാം ക്രിക്കറ്റ് ടെസ്റ്റിൽ ഇന്ത്യൻ സ്‌കോർ 500 പിന്നിട്ടു. നായകൻ വിരാട് കോഹ്്‌ലിയുടെ ഇരട്ടസെഞ്ചുറിയാണ് ഇന്ത്യൻ സ്‌കോറിന് കരുത്തായത്. 284 പന്തിൽ 243 റൺസുമായി കോഹ്്‌ലി ക്രീസിലുണ്ട്. കോഹ്്‌ലിയുടെ ടെസ്റ്റിൽ ആറാമത്തെയും തുടർച്ചയായ രണ്ടാമത്തെയും ഇരട്ട സെഞ്ചുറിയാണിത്. കോഹ്്‌ലിക്കൊപ്പം വൃഥിമാൻ സാഹയാണ് ക്രീസിൽ. മുരളി വിജയ് തുടർച്ചയായ രണ്ടാം ടെസ്റ്റിലും സെഞ്ചുറി നേടി. 267 പന്തിൽനിന്ന് 155 റൺസാണ് മുരളി വിജയ് നേടിയത്. രോഹിത് ശർമ 65 ഉം ശിഖർ ധവാൻ 23, ചേതേശ്വർ പൂജാര 23 റൺസും നേടി.
238 പന്തിലാണ് കോഹ്്‌ലി തന്റെ ഇരട്ട സെഞ്ചുറി നേടിയത്.
കോഹ്്‌ലി ഞായറാഴ്ച്ച നാഗ്പൂരിൽ ടെസ്റ്റിലും ഇരട്ടസെഞ്ചുറി നേടിയിരുന്നു. കഴിഞ്ഞ വർഷം ജൂണിന് ശേഷമാണ് കോഹ്്‌ലി ഇരട്ട സെഞ്ചുറികൾ നേടിത്തുടങ്ങിയത്. കുറഞ്ഞ കാലത്തിനുള്ളിൽ ആറ് ഇരട്ടസെഞ്ചുറികൾ നേടി നിരവധി റെക്കോർഡുകൾ തകർത്തു.
