മുഖ്യമന്ത്രിയുടെ പേരു പറയാത്തതിനാല്‍ ഉറങ്ങാന്‍ പോലും അനുവദിച്ചില്ല; സ്വർണക്കടത്ത് കേസിലെ പ്രതിയുടെ കത്ത്

തി​രു​വ​ന​ന്ത​പു​രം- സ്വർണക്കടത്ത് കേസില്‍ മുഖ്യമന്ത്രി പിണറായി വിജയന്‍ പേരു പറയാന്‍ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് ഉദ്യോഗസ്ഥന്‍ നിർബന്ധിച്ചുവെന്ന്   കേ​സി​ലെ പ്ര​തി സ​ന്ദീ​പ് നാ​യ​ർ.  എ​റ​ണാ​കു​ളം ജി​ല്ലാ സെ​ഷ​ൻ​സ് ജ​ഡ്ജി​ക്ക് അയച്ച കത്തിലാണ് ഇക്കാര്യം വ്യക്തമാക്കിയത്.  മു​ഖ്യ​മ​ന്ത്രി​യു​ടെ​യും, മ​ന്ത്രി​മാ​രു​ടെ​യും, ഒ​രു ഉ​ന്ന​ത നേ​താ​വി​ന്‍റെ മ​ക​ന്‍റെ​യും പേ​ര് പ​റ​യാ​ൻ ഇ​ഡി ഉ​ദ്യോ​ഗ​സ്ഥ​നാ​യ രാ​ധാ​കൃ​ഷ്ണ​ൻ നി​ർ​ബ​ന്ധം ചെ​ലു​ത്തി​യെ​ന്ന് സ​ന്ദീ​പ് നാ​യ​ർ ക​ത്തി​ൽ പ​റ​യു​ന്നു.

ഇ​വ​രു​ടെ പേ​ര് പ​റ​ഞ്ഞാ​ൽ ജാ​മ്യം നേ​ടാ​ൻ സ​ഹാ​യി​ക്കാ​മെ​ന്നായിരുന്നു. ഇ​ല്ലെ​ങ്കി​ൽ ജീ​വി​ത​കാ​ലം മു​ഴു​വ​ൻ ജ​യി​ലി​ലാ​കു​മെ​ന്ന് ഭീ​ഷ​ണി​പ്പെ​ടു​ത്തി. സ്വ​ർ​ണ​ക്ക​ട​ത്തി​ൽ പ​ണം നി​ക്ഷേ​പി​ച്ച​വ​രെ കു​റി​ച്ച് അ​ന്വേ​ഷി​ച്ചി​ല്ല. മു​ഖ്യ​മ​ന്ത്രി​ക്കെ​തി​രെ മൊ​ഴി നല്‍കാ​ത്ത​തി​നാ​ൽ ഉ​റ​ങ്ങാ​ൻ പോ​ലും അ​നു​വ​ദി​ച്ചി​ല്ല. ഇ​ഡി ഉ​ദ്യോ​ഗ​സ്ഥ​രി​ൽ നി​ന്ന് ജീ​വ​ന് ഭീ​ഷ​ണി​യു​ണ്ടെ​ന്നും ക​ത്തി​ൽ പ​റ​യു​ന്നു.

അ​തേ​സ​മ​യം, പ്ര​തി​യു​ടെ ക​ത്തി​നു പി​ന്നി​ൽ ഗൂ​ഢാ​ലോ​ച​ന​യു​ണ്ടെ​ന്നാ​ണ് ഇ​ഡി​യു​ടെ സം​ശ​യം. സ​ന്ദീ​പ് ക​സ്റ്റ​ഡി​യി​ൽ ഉ​ള്ള​പ്പോ​ൾ ഇ​ത്ത​രം പ​രാ​തി കോ​ട​തി​യി​ൽ പ​റ​ഞ്ഞി​ല്ല. പോ​ലീ​സു​കാ​രും പ്ര​തി​യും ഇ​ഡി​യ്ക്കെ​തി​രെ ന​ൽ​കി​യ മൊ​ഴി​യെ​ക്കു​റി​ച്ച് ഇ​ഡി പ​രി​ശോ​ധ​ന തു​ട​ങ്ങി​യി​ട്ടു​ണ്ട്.