അസീർ- സൗദിയിലെ പ്രമുഖ വ്യവസായിയും അസീറിലെ ഖുർആൻ പഠന കേന്ദ്രങ്ങളുടെ സ്ഥാപകനുമായ ഷെയ്ഖ് മുഹമ്മദ് ആൽബിശ്രി മരണപ്പെട്ടു. ഏറെ കാലമായി അസുഖ ബാധിതനായി ചികിത്സയിലായിരുന്നു. അസീറിലെ ഖുർആൻ പഠന കേന്ദ്രങ്ങളുടെ സ്ഥാപകനായിരുന്നു. 45 വർഷത്തോളം അസീറിലെ ഖുർആൻ പഠന സ്ഥാപനങ്ങളുടെ നടത്തിപ്പ് ചുമതല ഇദ്ദേഹത്തിനായിരുന്നു. ചെറിയ രീതിയിൽ തുടങ്ങിയ ഖുർആൻ പഠന കേന്ദ്രങ്ങൾ ഇന്ന് ഒരു വൻ സാമ്രാജ്യം പോലെ വലുതായതിൽ ഏറെ പങ്കുള്ള വ്യക്തിയാണ് ഷെയ്ഖ് മുഹമ്മദ് അൽബിശ്രി.
ഏറെ കാലമായി അസുഖ ബാധിതനായി ചികിത്സയിലായിരുന്നു. മയ്യിത്ത് മക്കയിൽ ഖബറടക്കി. സൽമാൻ രാജാവിന്റെ ഉപദേഷ്ടാവും മക്ക ഗവർണറുമായ അമീർ ഖാലിദ് ഫൈസൽ, അമീർ മുത്ത്ഇബ് ബിൻ അബ്ദുല്ല തുടങ്ങിയ സൗദി രാജ കുടുംബത്തിലെ പ്രമുഖരർ കുടുംബത്തിന് അനുശോചന അറിയിച്ചു.
