കോഴിക്കോട്-പഠനയാത്രക്കിടെ വിദ്യാര്‍ത്ഥിനിയെ പീഡനത്തിന് ഇരയാക്കി എന്ന കേസില്‍ അധ്യാപകനെ പോലീസ് അറസ്റ്റ് ചെയ്തു. ആറ്റിങ്ങല്‍ സ്വദേശിയായ സിയാദിനെയാണ് ബാലുശ്ശേരി പൊലീസ് അറസ്റ്റ് ചെയ്തിരിയ്ക്കുന്നത്. ഇയാള്‍ക്കെതിറ്റെ പോക്‌സോ ഉള്‍പ്പടടെയുള്ള വകുപ്പുകള്‍ ചുമത്തിയിട്ടുണ്ട്. കേസില്‍ പ്രതിയായ മറ്റൊരു അധ്യാപകന്‍ ബാലുശ്ശേരി സ്വദേശി പ്രബീഷ് ഒളിവിലാണെന്ന് പോലീസ് പറഞ്ഞു.
കഴിഞ്ഞ ഫെബ്രുവരിയില്‍ സ്‌കൂളില്‍ നിന്നും ഊട്ടിയിലേക്ക് പഠനയാത്ര പോയിരുന്നു. പഠനയാത്രയ്ക്കിടെ അധ്യാപകര്‍ പീഡനത്തിന് ഇരയാക്കി എന്നാണ് പെണ്‍കുട്ടി പരാതി നല്‍കിയിരിക്കുന്നത്. യാത്ര കഴിഞ്ഞ് മടങ്ങിയെത്തിയ പെണ്‍കുട്ടി രക്ഷിതാക്കളെ വിവരമറിയിക്കുകയായിരുന്നു. മാതാപിതാക്കള്‍ പ്രിന്‍സിപ്പാളിന് പരാതി നല്‍കിയെങ്കിലും പരാതി പോലീസിന് കൈമാറാതെ സ്‌കൂള്‍ അധികൃതര്‍ ഹയര്‍സെക്കന്‍ഡറി ഡയറക്ടര്‍ക്ക് കൈമാറുകയായിരുന്നു. ഇതോടെയാണ് കുടുംബം പോലീസില്‍ നേരിട്ട് പരാതി നല്‍കിയത്.
