റിയാദ് - സൗദി അറേബ്യയില് ഡ്രോണ് ആക്രമണം നടത്താനുള്ള ഹൂത്തി മിലീഷ്യകളുടെ ശ്രമം സഖ്യസേന തകര്ത്തു. സൗദിയില് സിവിലിയന് കേന്ദ്രങ്ങള് ലക്ഷ്യമിട്ടാണ് സ്ഫോടക വസ്തുക്കള് നിറച്ച പൈലറ്റില്ലാ വിമാനം അയച്ചത്. ബുധനാഴ്ച രാത്രിയാണ് സഖ്യസേന ഡ്രോണ് വെടിവെച്ചിട്ടത്. യെമന് വ്യോമമേഖലയില് വെച്ചു തന്നെ ഡ്രോണ് കണ്ടെത്തി തകര്ക്കാന് സഖ്യസേനക്ക് സാധിച്ചതായി സഖ്യസേനാ വക്താവ് കേണല് തുര്ക്കി അല്മാലികി പറഞ്ഞു.
