ദുബായ്- കൊറോണ വൈറസ് മഹാമാരിയുടെ പശ്ചാത്തലത്തില്‍ വിമാനങ്ങള്‍ മുടങ്ങിയതിനെ തുടര്‍ന്ന് രണ്ട് മാസത്തിനിടെ ദുബായിലെ എമിറേറ്റ്‌സ് എയര്‍ലൈന്‍സ് തിരികെ നല്‍കിയത്. 109 കോടി ദിര്‍ഹം. 6,50,000 റീഫണ്ട് അപേക്ഷകളിലാണ് നടപടികള്‍ പൂര്‍ത്തിയാക്കിയത്.
ഒരു മാസം രണ്ട് ലക്ഷം റീഫണ്ട് നടപടികളാണ് പൂര്‍ത്തിയാക്കുന്നതെന്ന് എയര്‍ലൈന്‍സ് പ്രസ്താവനയില്‍ പറഞ്ഞു.
പത്ത് ലക്ഷം റീഫണ്ട് അപേക്ഷകള്‍ പെന്‍ഡിംഗിലാണെന്ന് എമിറേറ്റസ് എയര്‍ലൈന്‍സ് കഴിഞ്ഞ ഏപ്രിലില്‍ വ്യക്തമാക്കിയിരുന്നു.
കോവിഡ് മഹാമാരി എയര്‍ലൈന്‍സ് ട്രാവല്‍ വ്യവസായത്തെ രൂക്ഷമായി ബാധിച്ചുവെങ്കിലും ഉപയോക്താക്കളോട് നീതി പുലര്‍ത്തേണ്ടത് തങ്ങളുടെ ബാധ്യതയാണെന്നും എമിറേറ്റ്‌സ് ചീഫ് കൊമേഴ്‌സ്യല്‍ ഓഫീസര്‍ അദ്‌നാന്‍ കാസിം പ്രസ്താവനയില്‍ പറഞ്ഞു.
