തിരുവനന്തപുരം- കോവിഡ് ഭേദമായ ആൾ കാൻസർ മൂർച്ഛിച്ച് മരിച്ചു. വള്ളക്കടവ് മാണിക്യവിളാകം സ്വദേശി അബ്ദുൽ ഗഫൂറിന്റെ മകൻ മുഹമ്മദ് നസീറാണ് (47) മരിച്ചത്. വയറിൽ കാൻസർ ബാധിച്ച് ഏറെ നാളായി ചികിത്സയിലായിരുന്നു. റിയാദിൽ നിന്ന് കാൻസറും വൃക്ക തകരാറും കാരണം നാട്ടിലെത്തി ക്വാറന്റൈനിൽ കഴിഞ്ഞിരുന്ന മുഹമ്മദ് നസീറിന് കോവിഡ് പരിശോധനയിൽ പോസിറ്റീ വാണെന്ന് കണ്ടെത്തിയിരുന്നു. തുടർന്ന് മെഡിക്കൽ കോളജിലെ ചികിത്സയിൽ നെഗറ്റീവായെങ്കിലും കാൻസർ ഗുരുതരമായതിനാൽ ഇന്നലെ മരണപ്പെടുകയായിരുന്നു. ഭാര്യ: മുബീന. മക്കൾ: ഇബ്‌റാഹീം ബാദുഷ, സൽമാനുൽ ഫാരിസ്, ഇസാന. ഖബറടക്കം കോവിഡ് മാനദണ്ഡങ്ങൾ പാലിച്ച് ബീമാപള്ളി ഖബർസ്ഥാനിൽ നടന്നു.
