തിരുവനന്തപുരം- ശബരിമലയില്‍ ഭക്തരെ പ്രവേശിപ്പിക്കില്ലെന്ന തീരുമാനത്തിന് സര്‍ക്കാരിന്റെ അനുമതി. ഭക്തരെ നിലവിലെ സാഹചര്യത്തില്‍ പ്രവേശിപ്പിക്കരുതെന്ന് ദേവസ്വം ബോര്‍ഡ് പ്രസിഡന്റ് എന്‍ വാസുവും തന്ത്രി കണ്ഠരര് മഹേഷ് മോഹനരുമാണ് ദേവസ്വം വകുപ്പ് മന്ത്രിയോട് ആവശ്യപ്പെട്ടത്. ഇന്ന് നടത്തിയ ചര്‍ച്ചയ്‌ക്കൊടുവിലാണ് സര്‍ക്കാര്‍ നിലപാട് പ്രഖ്യാപിച്ചത്.
മാസപൂജയ്ക്ക് ഭക്തരെ പ്രവേശിപ്പിക്കില്ലെന്ന് മാത്രമല്ല ദര്‍ശനവും വേണ്ടെന്ന് വെച്ചിട്ടുണ്ട്. ഉത്സവം വെറും ചടങ്ങായി മാത്രമൊതുക്കാനും തീരുമാനിച്ചു. കോവിഡ് ഭീഷണി തുടരുന്ന സാഹചര്യത്തില്‍ ഭക്തജനസാന്നിധ്യം ശബരിമലയില്‍ ഒഴിവാക്കുന്നതാണ് ഉചിതമെന്ന തന്ത്രിയുടെ ആവശ്യം ന്യായമുള്ളതാണെന്നും കടകംപള്ളി സുരേന്ദ്രന്‍ വ്യക്തമാക്കി.
