മലപ്പുറം- കുന്നുമ്മൽ ശ്രീ ത്രിപുരാന്തക ക്ഷേത്രഅങ്കണത്തിൽ ലോക പരിസ്ഥിതി ദിനമായ ഇന്ന് ക്ഷേത്ര പൂജാരി ശ്രീ മണികണ്ഠൻ എമ്പ്രാന്താരിക്കൊപ്പം മുസ്ലിം യൂത്ത് ലീഗ് സംസ്ഥാന പ്രസിഡന്റ് മുനവ്വർ അലി ശിഹാബ് തങ്ങൾ തൈ നട്ടു. അതിന് അവർ 'മൈത്രി ' എന്ന പേര് നൽകി. ലോക പരിസ്ഥിതി ദിനത്തിൽ ഇന്ന് രാവിലെയാണ് മുനവ്വറലി തങ്ങൾ ക്ഷേത്രത്തിലെത്തി തൈ നട്ടത്. ആ തൈ വളർന്നൊരു വൃക്ഷമായി, പ്രകൃതി സ്‌നേഹത്തിന്റെയും ഒപ്പം സഹിഷ്ണുതയുടേയും അടയാളമായി, നമുക്ക് മീതെ എന്നും തണൽ വിരിക്കട്ടെ എന്ന് തങ്ങൾ പറഞ്ഞു.
