തൃശൂർ- കേരളത്തിൽ കോവിഡ് ബാധിച്ച് ഒരാൾ കൂടി മരിച്ചു. ചാവക്കാട് താലൂക്ക് ആശുപത്രിയിൽ ചികിത്സിയിൽ കഴിഞ്ഞിരുന്ന 73-വയസുള്ള കദീജക്കുട്ടി എന്നയാളാണ് മരിച്ചത്. മഹാരാഷ്ട്രയിൽനിന്ന് കേരളത്തിലേക്ക് ഇന്നലെയാണ് ഇവർ എത്തിയത്. ഇതോടെ കേരളത്തിൽ കോവിഡ് ബാധിച്ച് മരിച്ചവരുടെ എണ്ണം നാലായി.
പാലക്കാട് വഴി പ്രത്യേക വാഹനത്തിൽ പെരിന്തൽമണ്ണ വരെ മറ്റ് മൂന്നു പേരോടൊപ്പം യാത്ര ചെയ്തു വന്ന ഇവർക്ക് ശ്വാസതടസ്സം അനുഭവപ്പെട്ടതിനെത്തുടർന്ന് ഇവരുടെ മകൻ ആംബുലൻസിൽ മെയ് 20 ന് പുലർച്ചെ ചാവക്കാട് താലൂക്ക് ആശുപത്രിയിൽ പ്രവേശിപ്പിക്കുകയായിരുന്നു. സ്ഥിതി ഗുരുതരമായതിനെ തുടർന്ന് മെഡിക്കൽ കോളേജിലേക്ക് മാറ്റുന്നതിന് മുൻപ് മരണം സംഭവിക്കുകയായിരുന്നു. നേരത്തെ തന്നെ പ്രമേഹവും രക്താദിമർദ്ദവും,ശ്വാസ തടസ്സവും ഉണ്ടായിരുന്ന ഇവർ ഇതിന് ചികിത്സയിലായിരുന്നു .മരണപ്പെട്ട വ്യക്തിയിൽ നിന്നും കോവിഡ് പരിശോധനക്കുള്ള സ്രവങ്ങളുടെ പരിശോധന ഫലം പോസിറ്റിവ് ആയതിനെ തുടർന്ന് മകനും ആംബുലൻസ് ഡ്രൈവറും ഇപ്പോൾ ആരോഗ്യവകുപ്പിന്റെ നിരീക്ഷണത്തിലാണ്
