കണ്ണൂർ- കരിക്കോട്ടക്കരി എടപ്പുഴ വനത്തിൽ ഒരാൾ വെടിയേറ്റു മരിച്ചു. ഇരിട്ടി മുണ്ടയാമ്പറമ്പ് സ്വദേശി മോഹനനാണ്(44) മരിച്ചത്. നായാട്ട് സംഘത്തിലെ അംഗമാണ് മോഹനൻ. സംഘം വേട്ടയാടുന്നതിനിടെ അബദ്ധത്തിൽ വെടിയേറ്റതാണെന്നാണ് സംശയിക്കുന്നത്. ഇരിട്ടി താലൂക്ക് ആശുപത്രിയിലേക്ക് എത്തിച്ചുവെങ്കിലും മരിച്ചിരുന്നു. മൃതദേഹം മോർച്ചറിയിലേക്ക് മാറ്റി. ഇയാൾക്ക് ഒപ്പമുണ്ടായിരുന്നവരെക്കുറിച്ച് പോലീസ് അന്വേഷണം ആരംഭിച്ചു.
