ചാവക്കാട്- ദേശീയപാതയിൽ ചാവക്കാട് വിശ്വനാഥക്ഷേത്രത്തിന് സമീപം ടോറസ് ലോറി സ്‌കൂട്ടറിലിടിച്ച് സ്‌കൂട്ടർ യാത്രക്കാരിയായ യുവതി മരിച്ചു. മണത്തല ബേബി റോഡ് രാമാടി വീട്ടിൽ നന്ദകിഷോറിന്റെ ഭാര്യ നൈമ(23)യാണ് മരിച്ചത്. ബുധനാഴ്ച ഉച്ചക്ക് 12.20നാണ് അപകടം. ബേബിറോഡിലെ ഭർത്താവിന്റെ വീട്ടിൽ നിന്ന് വടക്കേക്കാടുള്ള ബാങ്കിലേക്ക് സ്‌കൂട്ടർ ഓടിച്ചുപോകുമ്പോഴാണ് അപകടം. അപകടത്തെ തുടർന്ന് ഗുരുതരമായി പരിക്കേറ്റ നൈമയെ ഉടനെ ചാവക്കാട്ടെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ജനുവരി അഞ്ചിനായിരുന്നു അവരുടെ വിവാഹം. ശവസംസ്‌ക്കാരം വ്യാഴാഴ്ച രാവിലെ ഒമ്പതിന് നടക്കും.
