മഞ്ചേരി-വിദ്യാർഥിനിയെ വീടിനകത്ത് തൂങ്ങി മരിച്ച നിലയിൽ കണ്ടെത്തി. കാളികാവ് ആമപ്പൊയിൽ വാഴക്കിളി പൈക്കാടൻ ശിവദാസന്റെ മകൾ അവന്തിക എന്ന അഞ്ജു (17) ആണ് മരിച്ചത്. ഇന്നലെ രാവിലെ 11 മണിക്കാണ് സംഭവം. പരീക്ഷയടുത്തതിനാൽ മാതാവ് ടിവി കാണുന്നത് വിലക്കിയിരുന്നു. ഇതിൽ മനംനൊന്ത് ആത്മഹത്യ ചെയ്തതാണെന്നു സംശയിക്കുന്നതായി പോലീസ് പറഞ്ഞു. കാളികാവ് അടക്കാക്കുണ്ട് ക്രസന്റ് ഹയർസെക്കൻഡറി സ്‌കൂൾ പ്ലസ് വൺ വിദ്യാർഥിനിയാണ്. മാതാവ് : മിനി. സഹോദരൻ : അശ്വിൻദാസ്. കരുവാരക്കുണ്ട് വനിതാ എസ്‌ഐ ഇന്ദിരാമണി ഇൻക്വസ്റ്റ് നടത്തിയ മൃതദേഹം മഞ്ചേരി മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിനു ശേഷം ബന്ധുക്കൾക്കു വിട്ടുകൊടുത്തു.
