റിയാദ് - വാദി ദവാസിറിൽ യുവതിയെ ഉപദ്രവിച്ച യുവാവിനെ വാദി ദവാസിർ പോലീസ് ഇന്നലെ രാവിലെ അറസ്റ്റ് ചെയ്തു. വാദി ദവാസിറിലെ വ്യാപാര കേന്ദ്രത്തിനു മുന്നിൽ വെച്ചാണ് യുവതിയെ പ്രതി ശല്യം ചെയ്തത്. യുവതിയെ പ്രതി ഉപദ്രവിക്കുന്നതിന്റെ ദൃശ്യങ്ങൾ അടങ്ങിയ വീഡിയോ ക്ലിപ്പിംഗ് സാമൂഹികമാധ്യമങ്ങളിൽ പ്രചരിച്ചിരുന്നു. ഈ ക്ലിപ്പിംഗ് ശ്രദ്ധയിൽ പെട്ടതിനെ തുടർന്ന് നടത്തിയ അന്വേഷണത്തിലൂടെയാണ് പ്രതിയെ തിരിച്ചറിഞ്ഞത്. സംഭവത്തിൽ യുവതി സുരക്ഷാ വകുപ്പുകൾക്ക് പരാതി നൽകിയിരുന്നില്ല. ഇരുപതു വയസു പ്രായമുള്ള സൗദി യുവാവാണ് അറസ്റ്റിലായതെന്നും പ്രതിക്കെതിരെ നിയമാനുസൃത നടപടികൾ സ്വീകരിച്ചുവരികയാണെന്നും സുരക്ഷാ വൃത്തങ്ങൾ പറഞ്ഞു.
