കോഴിക്കോട്- തൃശുര്‍ തൊഴിയൂര്‍ സുനില്‍ വധക്കേസില്‍ ഉള്‍പ്പെട്ട ജംഇയ്യത്തുല്‍ ഇഹ്‌സാനിയ പ്രവര്‍ത്തകരാണ് ചേകന്നൂര്‍ മൗലവിയെ കൊലപ്പെടുത്തിയതെന്ന് ഉറച്ചു വിശ്വസിക്കുന്നതായി ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍ പിള്ള.
പത്രസമ്മേളനത്തിലടക്കം അക്കാലത്ത് താന്‍ ഇക്കാര്യം പറഞ്ഞതാണെന്നും അപ്പോഴെല്ലാം തന്നെ അധിക്ഷേപിക്കാനായിരുന്നു ശ്രമമെന്നും ശ്രീധരന്‍ പിള്ള പറയുന്നു.
തൊഴിയൂര്‍ സുനില്‍ വധക്കേസില്‍ ജംഇയ്യത്തുല്‍ ഇഹ്‌സാനിയയുടെ പങ്കിനെ കുറിച്ച് ഞാന്‍ സാക്ഷ്യം പുസ്തകത്തില്‍ പറഞ്ഞിരുന്നു. അത് ഇപ്പോള്‍ വെളിപെട്ടപോലെ ചേകന്നൂര്‍ കേസിലും ആവര്‍ത്തിക്കുമെന്ന് ശ്രീധരന്‍ പിള്ള പറഞ്ഞു.
