തിരുവനന്തപുരം- സ്‌കൂൾ തുറക്കുന്നത് ജൂൺ മൂന്നിൽ നിന്നും ആറിലേക്ക് മാറ്റി. ഇക്കാര്യം ആവശ്യപ്പെട്ട് പ്രതിപക്ഷനേതാക്കൾ മുഖ്യമന്ത്രിക്കും, വിദ്യാഭ്യാസ വകുപ്പ് മന്ത്രിക്കും കത്ത് നൽകിയിരുന്നു. മധ്യവേനലവധി കഴിഞ്ഞ് ജൂൺ 3 ന് സ്‌ക്കൂൾ തുറക്കാനാണ് സർക്കാർ തീരുമാനിച്ചിരുന്നത്. എന്നാൽ ജൂൺ നാലിനോ, അഞ്ചിനോ ചെറിയ പെരുന്നാൾ ആകുവാൻ സാധ്യതയുള്ളതിനാൽ സ്‌ക്കൂൾ ജൂൺ 6 ന് തുറക്കുന്നതായിരിക്കും ഉചിതമെന്ന് പ്രതിപക്ഷനേതാവ് രമേശ് ചെന്നിത്തല, യു.ഡി.എഫ് നേതാക്കളായ ഡോ.എം.കെ.മുനീർ, പി.ജെ.ജോസഫ്, അനൂപ് ജേക്കബ് എന്നിവർ ചേർന്ന് നൽകിയ നിവേദനത്തിൽ ആവശ്യപ്പെട്ടിരുന്നു.
വാർത്തകൾ വേഗത്തിൽ വാട്‌സ്ആപ്പിൽ ലഭിക്കുന്നതിന് ഇവിടെ ക്ലിക് ചെയ്ത് ജോയിൻ ചെയ്യുക
