കോഴിക്കോട്- കുന്നമംഗലം പന്തീർപാടം പ്രദേശത്തെ സി.പി.എം പാർട്ടി കുടുംബമായ പാറപ്പുറത്ത് ബാബു-ഷീബ ദമ്പതികളുടെ മകനും റിലയൻസ് ജീവനക്കാരനുമായ ഷെബിനും ചേവായൂർ സ്വദേശിനി നമിതയും വിവാഹിതരായി പുതുജീവിതത്തിലേക്ക് കാലെടുത്തുവെച്ചത് സി.എച്ച് സെന്ററിന്റെ പ്രവർത്തനഫണ്ടിലേക്ക് സംഭാവന നൽകികൊണ്ടാണ്. ഏറെ സന്തോഷത്തേടെയാണ് ആ സംഭാവന ഏറ്റുവാങ്ങിയതെന്ന് സി.എച്ച് സെന്റർ ഭാരവാഹികൾ വ്യക്തമാക്കി. ജീവകാരുണ്യ പ്രവർത്തനത്തിൽ സമാനതകളില്ലാത്ത പ്രസ്ഥാനത്തിന്റെ പേരാണ് സി.എച്ച് സെന്റർ. സമൂഹത്തിലെ ആബാലവൃദ്ധം ജനങ്ങളും ഈ പ്രസ്ഥാനത്തെ ഏറ്റെടുത്തു എന്നതിന്റെ ഉദാഹരണമാണ് ഈ മാതൃകാപ്രവർത്തനം.
