മക്ക - വിശുദ്ധ റമദാനിൽ ഹറമിലും മസ്ജിദുന്നബവിയിലും തറാവീഹ്, ഖിയാമുല്ലൈൽ (പാതിരാ നമസ്‌കാരം) നമസ്‌കാരങ്ങൾക്ക് നേതൃത്വം നൽകുന്നതിന് മൂന്നു ഇമാമുമാരെ പുതുതായി നിയമിക്കുന്നതിന് തിരുഗേഹങ്ങളുടെ സേവകൻ സൽമാൻ രാജാവിന്റെ അനുമതി. വിശുദ്ധ ഹറമിൽ ഡോ. യാസിർ അൽദോസരിയെയും മസ്ജിദുന്നബവിയിൽ ഡോ. അഹ്മദ് അൽഹുദൈഫിയെയും ഡോ. ഖാലിദ് അൽമുഹന്നയെയും നിയമിക്കുന്നതിനാണ് രാജാവിന്റെ അനുമതി ലഭിച്ചിരിക്കുന്നതെന്ന് ഹറംകാര്യ വകുപ്പ് അറിയിച്ചു.
