കൊണ്ടോട്ടി- കരിപ്പൂർ വിമാനത്താവള സ്ഥലമേറ്റെടുപ്പിന്റെ ഭാഗമായി സാമൂഹ്യ ആഘാത പഠനത്തിന് എത്തിയ സംഘത്തെ നാട്ടുകാർ തടഞ്ഞു. കണ്ണൂർ ഡോൺബോസ്‌കോ കോളേജിലെ മൂന്നംഗ സംഘമാണ് ഇന്നലെ ഉച്ചക്ക് പഠനം നടത്താനായി കരിപ്പൂർ കൊടിയം പറമ്പ് മേഖലയിലെത്തിയിരുന്നത്. നാട്ടുകാർ സ്ഥലമേറ്റെടുപ്പിനെതിരെ നേരത്തെ തന്നെ പ്രതിഷേധവുമായി രംഗത്തുണ്ട്. സർവേ തടഞ്ഞതോടെ സംഘം മടങ്ങിപ്പോയി.
കരിപ്പൂർ വികസനത്തിന് 137 ഏക്കർ ഭൂമി ഏറ്റെടുക്കുന്നതിനുളള ശ്രമങ്ങളാണ് നടക്കുന്നത്. ഇതുമായി ബന്ധപ്പെട്ട് കഴിഞ്ഞ ദിവസം ജില്ലാ കലക്ടറുടെ അധ്യക്ഷതയിൽ യോഗം ചേർന്നിരുന്നു.
