കോഴിക്കോട്- ശബരിമലയില്‍ യുവതികളെ പ്രവേശിപ്പിച്ചതില്‍ പ്രതിഷേധിച്ച് സംഘ്പരിവാര്‍ കേരളത്തില്‍ അഴിച്ചുവിട്ട അക്രമങ്ങള്‍ക്ക് ദ ടെലഗ്രഫ് ദിനപത്രം നല്‍കിയ തലക്കെട്ട് വേറിട്ടതായി.
കശ്മീരില്‍ നമ്മള്‍ അവരെ വെടിവെക്കുന്നു, കേരളത്തല്‍ നാം അവരെ ഭക്തരെന്ന് വിളിക്കുന്നു- ഇതാണ് കല്ലെറിയുന്ന അക്രമികളുടെ ചിത്രത്തിനു നല്‍കിയ തലക്കെട്ട്. പരിവാര്‍ കേരളത്തെ കത്തിക്കുന്നുവെന്ന വാര്‍ത്തയും നല്‍കിയിട്ടുണ്ട്. സമൂഹ മാധ്യമങ്ങളില്‍ ടെലഗ്രഫ് പത്രത്തിന്റെ തലക്കെട്ട് നിരവധി പേര്‍ ഷെയര്‍ ചെയ്തു.
കഴിഞ്ഞ ദിവസം ബി.ജെ.പി,ആര്‍.എസ്.എസ് പ്രവര്‍ത്തകര്‍ ശബരിമല കര്‍മസമിതിയുടെ പേരില്‍ നടത്തിയ അഴിഞ്ഞാട്ടം പോലീസ് പലയിടത്തും കണ്ടില്ലെന്ന് നടക്കുകയായിരുന്നു. പോലീസിന്റെ കണ്‍മുന്നിലാണ് നിരവധി വ്യാപാര സ്ഥാപനങ്ങളും വാഹനങ്ങളും തകര്‍ത്തത്.
ശബരിമലയിലടക്കം ഭക്തരുടെ വേഷത്തിലാണ് ബി.ജെ.പി പ്രവര്‍ത്തകര്‍ പ്രതിഷേധ പരിപാടികള്‍ സംഘടിപ്പിച്ചിരുന്നത്.
മലയാളം ന്യൂസ് വാര്‍ത്തകളും വിശകലനങ്ങളും വാട്‌സാപ്പില്‍ ലഭിക്കാന്‍ ഇവിടെ ക്ലിക്ക് ചെയ്യുക
