കൊണ്ടോട്ടി- ഫെയ്‌സ്ബുക്കിൽ പരിചയപ്പെട്ട് പ്രണയം നടിച്ച് യുവതിയുടെ നഗ്ന ഫോട്ടോ കരസ്ഥമാക്കി പണം തട്ടിയ യുവാവ് കൊണ്ടോട്ടി പോലീസിന്റെ പിടിയിൽ. കൊല്ലം ആദിനാട് പടന്നയിൽ പ്രശാന്താണ് (20) അറസ്റ്റിലായത്.
കഴിഞ്ഞ ജനുവരിയിലാണ് യുവതിയുമായി ഫെയ്‌സ്ബുക്കിലൂടെ പ്രശാന്ത് പരിചയപ്പെട്ടത്. പിന്നീട് പ്രണയം നടിച്ച് നഗ്നഫോട്ടോ കരസ്ഥമാക്കി. തുടർന്ന് ഭീഷണിപ്പെടുത്തി പണം ആവശ്യപ്പെടുകയായിരുന്നു. പണം നൽകിയില്ലെങ്കിൽ ഫോട്ടോ ഇന്റർനെറ്റിൽ പ്രചരിപ്പിക്കുമെന്ന് ഭീഷണി മുഴക്കി. ഇതിനിടെ യുവതി പതിനയ്യായിരം രൂപ ഇയാളുടെ ബാങ്ക് അക്കൗണ്ടിലേക്ക് കൈമാറി. എന്നാൽ വീണ്ടും പണം ആവശ്യപ്പെടുകയും നാട്ടിലുള്ള ചിലർക്ക് നഗ്ന ഫോട്ടോ അയച്ച് കൊടുക്കുകയും ചെയ്തതോടെയാണ് യുവതി കൊണ്ടോട്ടി പോലീസിൽ പരാതി നൽകിയത്. യുവതിയുടെ നഗ്ന ചിത്രങ്ങളുളള മൊബൈൽ ഫോൺ പോലീസ് കസ്റ്റഡിയിലെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
