തിരുവനന്തപുരം- കാലവര്‍ഷം വീണ്ടും സജീവമാകുന്നു. ചൊവ്വ, ബുധന്‍ ദിവസങ്ങളില്‍ കേരളത്തില്‍ മഴ ശക്തിപ്പെടുമെന്ന് മുന്നറിയിപ്പ്. 11 സെന്റിമീറ്റര്‍ വരെ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. അഞ്ചു ജില്ലകളില്‍ ജാഗ്രത പാലിക്കാന്‍ നിര്‍ദേശം നല്‍കിയിട്ടുണ്ട്. പത്തനംതിട്ട, ഇടുക്കി, വയനാട് ജില്ലകളില്‍ ചൊവ്വാഴ്ചയും തൃശൂര്‍, പാലക്കാട്, ഇടുക്കി, വയനാട് ജില്ലകളില്‍ ബുധനാഴ്ചയും യെല്ലോ അലെര്‍ട്ട് പ്രഖ്യാപിച്ചു.
