ദോഹ- ഇന്ത്യയിലെ മുസ്ലീം ന്യൂനപക്ഷത്തിനെതിരെ ലൗ ജിഹാദ്, കൊറോണ ജിഹാദ്, നാര്‍കോട്ടിക്ക് ജിഹാദ് തുടങ്ങിയ വിഷയങ്ങള്‍ ഉന്നയിച്ച് നടക്കുന്ന വിദ്വേഷ പ്രചാരണത്തെ ആഗോള മുസ്ലിം പണ്ഡിതവേദി അപലപിച്ചു.
ഇന്ത്യയിലെ മുസ്ലിം സഹോദരങ്ങള്‍ക്ക് സംഭവിക്കുന്ന ദുരന്തം തടയാനാവശ്യമായ നിയമ പരിരക്ഷ ഉറപ്പാക്കുന്നതിന് ഇടപെടണമെന്ന് മുസ്ലിം രാഷ്ട്രീയക്കാരോടും പണ്ഡിതരോടും ചിന്തകരോടും പണ്ഡിത വേദി ആവശ്യപ്പെട്ടു.
ഇന്ത്യയിലെ മുസ്ലിംകള്‍ക്കെതിരായ ആസൂത്രിതമായ അക്രമങ്ങളും തെറ്റായ ആരോപണങ്ങളും ശക്തമായി അപലപിക്കപ്പെടണം. ഇസ്ലാമിന്റെ അടിസ്ഥാന തത്വങ്ങള്‍ക്ക് വിരുദ്ധമായ മയക്കുമരുന്ന് പോലെയുള്ള തിന്മകളിലേക്ക് ചേര്‍ത്താണ് മുസ്ലിംകള്‍ക്കെതിരായ ആരോപണങ്ങള്‍. മുസ്ലിംകളെ ബഹിഷ്‌കരിക്കാനും അവരുടെ കടകളും വ്യാപാര സ്ഥാപനങ്ങളു ഉപരോധിക്കാനും വരെ ആഹ്വാനം ചെയ്യുന്ന സങ്കുചിത മനോഭാവക്കാരെ ഒറ്റപ്പെടുത്തണമെന്നും ആഗോള മുസ്ലിം പണ്ഡിത വേദി സെക്രട്ടറി ജനറല്‍ അലി ഖുറദാഗി പറഞ്ഞു.
