Wednesday , December   12, 2018
Wednesday , December   12, 2018

ശബരിമലയിൽ വരുന്ന യുവതികളെ വലിച്ചുകീറി മുഖ്യമന്ത്രിയുടെ ഓഫീസിലേക്ക് വലിച്ചെറിയണം- കൊല്ലം തുളസി

കൊല്ലം- ശബരിമലയിൽ വരാനിരിക്കുന്ന സ്ത്രീകളെ രണ്ടായി വലിച്ചുകീറണമെന്നും അതിലൊരു ഭാഗം ദൽഹിയിലുള്ളവർക്കും മറുഭാഗം മുഖ്യമന്ത്രിയുടെ മുറിയിലേക്കും വലിച്ചെറിയണമെന്ന് നടൻ കൊല്ലം തുളസി. ചവറയിൽ എൻ.ഡി.എയുടെ ശബരിമല സംരക്ഷണ സമ്മേളനത്തിൽ സംസാരിക്കുന്നതിനിടെയാണ് കൊല്ലം തുളസി വിവാദപരാമർശം നടത്തിയത്. ശബരിമലയിൽ സ്ത്രീകൾക്ക് അനുമതി നൽകി വിധി പ്രഖ്യാപിച്ച ജഡ്ജിമാർ ശുംഭൻമാരാണ്. ഇവിടെയുള്ള അമ്മമാർ ശബരിമലയിൽ പോകണം. അവിടെ വരുന്ന യുവതികളെ വലിച്ചുകീറണമെന്നുമായിരുന്നു കൊല്ലം തുളസിയുടെ പരാമർശം. ഏറെ കരഘോഷത്തോടെയാണ് കൊല്ലം തുളസിയുടെ പരാമർശത്തെ അവിടെ തടിച്ചുകൂടിയവർ ഏറ്റെടുത്തത്.